БАРСКОН КУМ-ШАГЫЛ КЕНИ

БАРСКОН КУМ-ШАГЫЛ КЕНИ Ысык-Көл обл-нун Жети-Өгүз р-нунда, Барскон кыш-нан 2 км түн.-батышта, деӊиз деӊг. 1694–1709 м бийиктикте. 1984-ж. чалгындалган. Кен аймагын Барскон суусунун өрөөнүндөгү кой таш – кум-шагыл кошундулары түзөт. Гранулометриялык орт. курамы: 500–70 мм – 24%, 70–5 мм – 45%, 5 ммден майдасы – 31%. Кум-шагыл асфальт-бетондун кошундусу, «300» маркадагы бетонду даярдоого жарамдуу. Запасы А категориясы б-ча 296 миӊ м³, В–406 миӊ м³, С₁–609 миӊ м³, А+В+С₁–1311 миӊ м³.