БАНЬЯН

БАНЬЯ́Н – өсүмдүктөрдүн фикус уруусуна кирүүчү дарактардын бир нече түрү. Бенгал Баньяны фикус деп аталып, бийиктиги 30,5 мге жетет. Индияда кеӊири таралган. Себеби анын көлөкөсү үчүн өстүрүшөт. Дарак шагынан өскөн аба тамырлары жерге чейин жетип, тамырланат жана сөӊгөккө айланат; бир эле дарак кээде 2гага жакын жерди ээлеп өсөт. Баньяндын түзүлүшү – вегетациялык көбөйүүнүн өзгөчө формасы, анда «эне дарак» менен жаӊы дарактын ортосундагы байланыш узакка сакталат. «Эне-дарак» куурап калса да, калган дарактардын өсүшүнө таасир этпейт.