БАТЫРКАНОВ Жээнбек Мамбетович

Кыргызстан Энциклопедия жана Терминология Борбору дан
08:05, 11 Апрель (Чын куран) 2024 карата Temirkan (талкуу | салымы) тарабынан жасалган версия
Навигацияга өтүү Издөөгө өтүү

БАТЫРКАНОВ Жээнбек Мамбетович (5. 2. 1939-жылы туулган, Ысык-Көл облусу, Ак-Суу району‚ Үч-Кайнар айылы) – экономист, экономика илимдеринин доктору (1991)‚ профессор (1992). КРдин эмгек сиңирген экономисти (2000). КМУну бүтүргөн (1964). 1957–59-жылдары Ак-Суу районунун Кызыл-Туу колхозунда тракторчу-комбайнёр, 1964–67-жылдары Ак-Талаа районунда колхоздун башкы экономисти, 1967–68-жылдары ошол эле райондун айыл чарба башкармасынын пландоо-эсеп бөлүмүнүн башчысы, 1969–76-жылдары Кыргыз ССР Айыл чарба министрлигинде бөлүм башчы, 1976–77-жылдары Кыргыз айыл чарба институтунда доцент, 1978-жылдан кафедра башчысы, бир эле учурда 1978–84-жылдары экономика факультетинин деканы, 1984–92-жылдары институтта проректор, 1992–95-жылдары КРдин Айыл чарба министрлигинде бөлүм башчы‚ КАУда доцент‚ кафедра башчысы‚ декан‚ проректор‚ 1995-жылдан КРCУда, 1998-жылдан КГУСТАда кафедра башчысы. Чарба экономикасы жана менежмент боюнча адис. Айыл чарба өндүрүшүнүн натыйжалуулугун жогорулатуу боюнча 60тан ашуун илимий иштери (анын ичинен 2 монография) жарык көргөн. Медалдар менен сыйланган.
Эмг.: Проблемы повышения эффективности управления сельским хозяйством на этапе перестройки экономических отношений на селе. Новосибирск, 1991; Основы предпринимательства. Б., 1997.