«БОЗЖИГИТ»

«БОЗЖИГИТ» – лирикалык поэма. Чыгыш эпикалык поэзиясынан келген. Ашыктык, баатырдык, турмуштук, диний сыпаттагы чыгыштын дастандары О. Азия элдерине дастан, кысса, хикая деген ат м-н тараган. Булар негизинен 19-кдын акыры – 20-к-дын башында Уфа, Казан, Оренбург ш-нда б

асылып чыккан. «Б.» араб, фарсы ж-а О. Азиядагы түрк элдеринин тилин-

де жарык көргөн. Китептин саны аз болгондуктан, алгач кат тааныган сабаттуу адамдар окуп, алар аркылуу оозеки түрдө жашай баштаган. Акындар, чыгармачыл айтуучулар бул сюжеттерди өздөрүнүн алымча, кошумчалары м-н ырдап, эл арасына жайылткан. Ошентип, варианттары пайда болгон. «Б.» поэмасы кыргыздар арасына 1911-ж. Казандан араб, фарсы тилдеринде басылып чыккан нуска б-ча тараган. Поэмада анын негизги каармандары Бозжигит м-н Сайыпжамалдын ортосундагы улуу махабат баяндалат. Эки ашык бири бирине жетпей, окуя трагедия м-н аяктайт. «Б.» поэмасынын эки нускасы КР УИАнын Колжазмалар фондунда сакталып турат. Г. Орозова.