БӨЛҮШТҮРҮҮ

БӨЛҮШТҮРҮҮ э к о н о м и к а д а – өндүрүш м-н керектөөнү байланыштыруучу звено. Ал өндүрүш каражаттарынын‚ керектөөнүн зарыл ж-а кошумча продуктуларынын бөлүштүрүлүшүн камтыйт. Б. принциптери ж-а формалары өндүрүш жолуна жараша болуп‚ өндүрүштүн өнүгүшүнө таасирин тийгизет. Өндүрүш м-н бөлүштүрүү бири бирине шайкеш келип‚ коомдук байлык пландын негизинде бөлүштүрүлөт. Адегенде өндүрүш каражаттарынын наркы калыбына келтирилет; калган экинчи бөлүгү улуттук кирешени түзүп‚ өндүрүштү өркүндөтүүгө сарпталат; улуттук кирешенин бир бөлүгү керектөө фондун түзүп‚ эмгекчилердин мүдөөсүн канааттандырууга жумшалат. Калган бөлүгү мамлекетти башкаруу м-н өлкөнү коргоого‚ элге билим берүүгө‚ саламаттык сактоого‚ илим м-н иск-вого керектелет.