ВАЛИУЛИНА

ВАЛИУЛИНА Гүлчахра (Гульчира) (23. 8. 1923, Челябинск обл., Ичкин айылы – 11. 1. 2014, Бишкек) – опера ырчысы, ырчы, Кыргыз ССРинин эмг. сиӊ. арт. (1963). Бишкектеги татар-өзбек мектебинде окуган. 1940-ж. Кыргыз филармониясынын бий ансамблине кабыл алынган. Кийин ырчылык кесипке өткөн. Ж. Шералиев, К. Молдобасанов, А. Малдыбаев, А. Аманбаев

ж. б. композиторлордун ырларын тунук, мукам үнү м-н чебер аткарган. Айрыкча Ж. Шералиевдин «Түшүмдө», «Белегиӊ», «Сулуу кыз», А. Малдыбаевдин «Эмне үчүн», «Фрунзем», К. Молдобасановдун «Өрттөнсүн бозой жалынга», «Селкиге», Н. Давлесовдун «Жылкычы бозой», «Саанчы жеӊе» ж. б. ондогон ырлары В-нын аткаруусунда кыргыз ырларынын классикасына айланган. 1958-ж. Москвада өткөн кыргыз ад-ты м-н иск-восунун он күндүгүнө катышкан. СССРдин курамындагы союздук респ-лардын бардык шаарларында гастролдо болгон. «Ардак Белгиси» ордени ж-а бир нече медалдар м-н сыйланган.
Ад.: Алагушов Б. Кыргыз улуттук филармониясы. Б., 2006.