ГАБИДУЛИН

ГАБИДУ́ЛИН Анатолий Константинович (25. 1. 1927-ж. т., Кемеров обл., Анджеро-Судженск ш.) – генерал-майор. ЛКЖС БКнын Бүткүл союздук мектебин (1953), КПСС БКнын парт. Жогорку

мектебин (1961), КМУнун экономика ф-тин (1968) бүткөн. 1943–44-ж. Таш-Көмүр кен башкармалыгында автогараж автослесары, 1944–48-ж. Таш-Көмүр шаардык аскер комиссариатында бөлүктүн башчысы, 1948–51-ж. комсомолдун Таш-Көмүр шааркомунда бөлүм башчы, 1-секретарь, 1953–54-ж. Кыргызстан ЛКЖС БКда бөлүм башчы, 1954–55-ж. комсомолдун Көк-Жаӊгак шааркомунда 1-секретарь, 1955–57-ж. Кыргызстан КП Октябрь райкомунда (Жалал-Абад обл.) секретарь, 1957–61-ж. партиянын Жалал-Абад шааркомунда инструктор, 1961–62-ж. партиянын Ош обкомунда бөлүм башчынын орун басары, 1962–63-ж. партиянын Ленин райкомунда (Ош обл.) 2-секретарь, 1963–69-ж. партиянын Ош обкомунда бөлүм башчы, 1969–71-ж. Кыргызстан КП БКда бөлүм башчынын 1-орун басары, 1971–73-ж. партиянын Калинин райкомунда 1-секретарь, 1973–74-ж. Кыргызстан КП БКда бөлүм башчы, 1974–82-ж. Кыргыз ССР Ички иштер министри, 1982–83-ж. СССР ИИМде кадрлар башкармалыгынын башкы инспектору болуп иштеген. Кыргыз ССР Жогорку Советинин депутаты (10, 11, 12-чакырылыштары). Эмгек Кызыл Туу, «Ардак Белгиси» ордендери ж-а медалдар м-н сыйланган.