ГАРОННА

ГАРО́ННА – Франциядагы дарыя (башаты Испанияда). Уз. 647 км, алабынын аянты 56 миӊ км². Пиреней тоолорунан башталып, Гаронна түздүгү аркылуу агат да, Атлантика океанынын Бискайя булуӊуна куярда Жиронда эстуарийин пайда кылат (Дордонь д. м-н кошо). Жайында ташкындайт, орт. чыгымы 680 м³/сек. Кеме жүрөт (Бискайя булуӊун Жер Ортолук деӊиз м-н туташтырган суу системасынын бир бөлүгү). ГЭСтер курулган. Сугатка пайдаланылат. Боюнда Тулуза, Бордо ш. жайгашкан.

Гармоникалар: 1– Ф. Киршниктин гармоникасы (кайра жасалган);
2 – саратовдук, 1930-жылдар; 3 – хромка (уста А. А. Сизов, Москва,
2002). А. Миректин орус гармоника музейи (Москва).