ГАЛАН

ГАЛА́Н Ярослав Александрович [14 (27) 7. 1902, азыркы Польшадагы Дынов деген жерде – 24. 10. 1949, Львов] – украин жазуучусу, драматург, публицист. 1923–28-жылдары Вена ж-а Краков университеттеринде окуган. Камакта (1934, 1937) отурган. Улуу Ата Мекендик согуш жылдарында фронттук гезиттерде, радиодо кабарчы болгон. Украина жөнүндө очерк, аӊгемелерди, ошондой эле антифашисттик ж-а антиклерикалык памфлеттерди («Шайтандын кызматында», 1948; «Наадандыктын атасы жана анын жан-жөкөрлөрү», 1949) жазган. Ал – «Этенгеймдик Дон Кихот» (1926–27), «99%» (1930), «Ячейка» (1932), «Таӊ алдындагы махабат» (1949) пьесаларынын автору. «Тандалмалар» жыйнагындагы памфлеттери үчүн СССР мамлекеттик сыйлыгы берилген (1952, өлгөндөн кийин).