ГЛАЗУРЬ
ГЛАЗУ́РЬ (нем. Glasur; Clas – айнек) – карапа буюмдарын жасоо процессинде алардын эӊ үстүнө жалатылган жука айнек сымал катмар. Көркөм карапа технологиясында колдонулат. Глазурдун башкы милдети буюмдун бекемдигин күчөтүү менен анын көркөм жасалга касиеттерин арттыруу болуп саналат. Глазурь түстүү жанаа түссүз, тунук жана жалатылма күӊүрт, жалтырак жана киргилт болуп бөлүнөт. Көлөкө түшүрүүчү Глазурь бир аз гравюраланган же рельефтик бетке түшүрүлөт; анын милдети – катмарынын калыӊдыгы менен айырмаланган сүрөттү дал өзүндөй сактап калуу (натыйжада түрдүн коюулугу да сакталат). Майда бүртүкчө болуп түшүүчү кристалл Глазурь айнектеги аяз оюуларына окшош сүрөттөрү менен айырмаланат. Өзгөчө бөлүмдү «туздуу» деп аталган Глазурь түзөт. Ал чоподон жасалган бир нерсенин үстүӊкү бетин кайнатылган туздун буусуна кармоонун натыйжасында алынат. Туздуу Глазурь жука күӊүрт жылтыроосу менен айырмаланат жана скульптуранын үстүӊкү бетинин эӊ майда деталдарына чейин сактайт. Глазурга кычкылдандыруучу затты кошкондо ал өзүнүн тунуктугун жоготуп, ак болуп калат, бул учурда ал эмаль деп аталат. Ошондой эле, к. Кракле.
