ГЛИЭР

ГЛИЭР Рейнгольд Морицевич (өз аты Эрнест Глиэр). [30. 12. 1874 (11. 1. 1875), Киев, Украина – 23. 6. 1956, Москва, Россия] – композитор, дирижёр, педагог, коомдук ишмер, СССР эл артисти (1938), Азербайжан ССР (1934), РСФСР (1935), Өзбек ССР эл артисти (1937), искусство таануу илимдеринин доктору (1941). СССР мамлекеттик сыйлыгынын (1946, 1948, 1950) лауреаты. Москва консерваториясын бүтүргөн (1900). 1920–1941-жылдары Москва консерваториясынын (композиция классы боюнча) профессору. Орус классикалык музыкасынын реалисттик салттарын (П. И. Чайковский, С. В. Рахманинов жана башкаларды) уланткан. Р. Глиэрдин музыкасы жанрдык

жактан көп түрдүү. Эмоциялуу, турмушту ачык-айкын баяндаган «Кызыл гүл» туӊгуч балетин (1927, Чоӊ театр, Москва) жана «Жез атчан» (1949) аттуу балетти жазган. Рейнгольд Глиэрдин 5 опера, бир нече камералык жана аспаптык, симфониялык жана башка чыгармалары бар. Үч Ленин (1945, 1950, 1955) жана башка ордендер, медалдар менен сыйланган. А. Малдыбаев атындагы Кыргыз улуттук опера жана балет театрында анын «Кызыл гүл» балети коюлган.