БОЗ ТОПУРАК
БОЗ ТОПУРАК – субтропик тилкелериндеги чөл, жарым чөл ж-а талаа зоналарында кездешүүчү топурак тиби. Көбүнчө Америка, Австралия, Афганстан, Борб. Азия ж-а Кавказда кездешет. Кырг-нда Ош обл-нда, Чүй ж-а Талас өрөөндөрүндө кеӊири таралган. Ал боз, нукура боз ж-а коӊур боз түстүү болуп үчкө бөлүнөт. Анын курамын чиринди, СО2 карбонат туздары түзөт. Кээде шор ж-а шортоӊ (шакардуу) келет. Андан арылтуу үчүн ил. жактан негизделген агротех. чараларды колдонуу зарыл. Бул топуракта азык-зат элементтери азыраак, ошондуктан аларга минерал ж-а орг. жерсемирткичтерди өлчөмү м-н чачуу керек. Б. т-туу жерде пахта, тамеки, кант кызылчасы, жүгөрү, эгин ж-а жашылча-жемиштер, о. эле токой өсүмдүктөрү жакшы өсөт. Ад.: Почвы Киргизии. Ф., 1966; Розанов Б. Г. Почвенный покров земного шара. М., 1977.