ВИНДИКАЦИЯ
ВИНДИКА́ЦИЯ (лат. vindicatio‚ от vindico – коргоймун‚ талап кыламын) – менчик ээсинин өз менчигин бул менчикти мыйзамсыз негизде ээлеп алган үчүнчү жактан сот тартибинде талап кылуусу. Менчик ээси мүлктү гана эмес‚ мыйзамсыз ээси мүлккө ээлик кылган убакыт ичинде же ал ээлеп алууга укуктуу эместигин билген же билүүгө тийиш болгон күндөн тартып алган же алууга тийиш болгон кирешелердин ордун толтурууну талап кылууга укуктуу.