ВОСТОК
ВОСТО́К , М а з а р с у у – Чүй обл-нун Аламүдүн р-нундагы кыштак. Лебединовка айыл өкмөтүнө караштуу. Чоң Чүй каналынын түн. тарабында, деңиз деңг. 700 м бийиктикте жайгашкан. Райондун борбору Лебединовка кыш-нан 5 км түн. тарапта. Аламүдүн темиржол бекетинен 26 км. Калкы 6840 (2006); негизинен жашылчачылыкта эмгектенет. Орто мектеп, китепкана, ФАП ж. б. бар. Жоопкерчилиги чектелген ишканалары бар.