ВИКТОРИЯ (Чыгыш Африкадагы көл)

ВИКТО́РИЯ , В и к т о р и я - Н ь я н з а, У к е­р е в е – Чыгыш Африкадагы көл. Танзания, Кения ж-а Уганда мамлекеттеринин чегарасын­да. Чыгыш Африка платформасынын тектон. ийилүүсүндө жайгашкан. Аянты 68 миң км² (тузсуз көлдөрдүн ичинен чоңдугу б-ча дүйнөдө 2-орунда). Тереңдиги 80 мге чейин. Жээги ой­дуңдуу, булуң-буйткалуу. Аралдары көп (жал­пы аянты 6 миң км²дей). Көп дарыялар куят; эң чоңу – Кагера (Нилдин башаты); Виктория- Нил суусу агып чыгат. Толкун пайда кылуучу катуу шамал болуп турат. Балык кармалат (не­гизги промыселдик балыгы – балти). Кеме жү­рөт. Негизги порттору: Энтеббе (Уганда), Мван­за, Букоба (Танзания), Кисуму (Кения). Түн. жээгине жакын Уганданын борбору – Кампала ш. орун алган. В-ны Инди океанынын жээк­тери м-н байланыштыруучу Кисуму – Момбаса ж-а Мванза – Табора – Дар-эс-Салам темиржо­лу бар. Рубондо а-нда (Танзания) улуттук парк уюшулган.