ГУРИДДЕР

ГУРИДДЕР – Сури үйүнөн чыккан Гур султандарынын династиясы; Герируд ж-а Гильменд д-ларынын баш жагында өзүнчө мамлекет түзүшкөн (1148–1206). Борбору Фирузкух ж-а Газни ш-лары (Гур тоолуу р-ну, азыркы Афганстандын аймагы) болгон. Г. мамлекети султандар Гияс-ад-дин Мухаммед (1163–1203) м-н Шихабад-диндин (1203–06) тушунда күч алып, азыркы Афганистандын дээрлик бардык аймагын, о. эле Индиянын Синд, Пенжаб, Бенарес ж. б. шаар, обл-тарын каратып турган. Г-дин аскери Хорезм шахтары м-н болгон согушта жеӊилип, мамлекети 1206-ж. кулаган.