ВОЕННО-АНТОНОВКА
ВОЕННОАНТО́НОВКА – Чүй облусунун Сокулук районундагы кыштак. Военно-Антоновка айыл өкмөтүнө караштуу. Бишкек–Ташкен автомобиль жолунун боюнда, деңиз деңгээлинен 737 м бийиктикте жайгашкан. Райондун борбору Сокулук кыштагынан 15 км чыгыш тарапта. Пишпек темир жол бекетинен 7 км. Кыштак 1900-жылы отурукташкан. Калкы 22712 (2022); негизинен мал чарбасында ж-а дыйканчылыкта эмгектенет. Орто мектеп, балдар үйү, бала бакча, үй-бүлөлүк врачтар тобу, дарыкана, маданият үйү, китепкана, кафе ж-а автобаза бар. Улуу Ата Мекендик согушта курман болгондорго эстелик тургузулган.