БАЛЫК УНУ
БАЛЫК УНУ - кургатылган балык же балык азык калдыктарынан майдаланып (тартылып) даярдалган тоют. Б. у-нда протеин (60%ке чейин), кальций, фосфор, А, Д, В витаминдери көп. Анын сапаты майлуулугуна жараша болот. Өтө майлуу (18%тен ашык) Б. у. көпкө сакталбайт, аны жеген малдын эти м-н сүтү балык жыттанып калат. Анда 47% протеин, 18%ке чейин май, 5% кайнатма туз, 30% фосфор кычкыл кальций болот. Б. у. негизинен музоо, чочко, тоок, уйга берилип, аралаш тоюттун баалуу кошулмасы болуп саналат.