БАКТЕКТЕР
БАКТЕКТЕР - куштардын көгүчкөн сымалдар түркүмүндөгү уруусу. Бактектер көгүчкөндөрдөн кичирээк (узундугу 14-30 см), мойнунда кара тагы бар, куйругу узун. Түсү күрөң, аркасы кара көк, боору агыш, куйрук чалгындары көгүш. Алар Европанын борбордук, түштүк бөлүктөрүндө, Иран, Афганстанда кезигет. КМШ өлкөлөрүндө 5 түрү жашайт. Дарактар ж-а бадалдарга уя салып, эки ак жумуртка тууп, эркек ж-а ургаачысы басып чыгарат. Бактектер өсүмдүк уругу, мөмөсү, даны м-н азыктанат.