БАЛА-САРЫ
БАЛАСАРЫ — Талас обл-нун Манас р-нундагы кыштак. Покровка айыл өкмөтүнө караштуу. Талас суусунун боюнда, деңиз деңг. 863 м бийиктикте жайгашкан. Райондун борбору Покровка кыш-нан 5 км түш. тарапта, Жамбыл темиржол бекетинен 34 км. 1910-ж. отурукташкан. Калкы 1479 (2006); негизинен тамекичиликте эмгектенет. Негизги мектеп, ФАП, китепкана, мончо бар. Улуу Ата Мекендик согушта курман болгондорго эстелик тургузулган.