БАЛДАР ТЕАТРЫ
БАЛДАР ТЕАТРЫ - репертуары, негизинен жаш жеткинчектерге жана өспүрүмдөргө арналган профессионалдык театр. Балдар театрынын репертуарын балдарды идеялык жана эстетикалык жактан тарбиялоочу спектаклдер түзөт. Балдар театры Кыргызстанда 1936-жылы уюштурулган. Анын уюштуруучусу жана директору О. Сарбагышев болгон. Алгачкы жолу Н. В. Гоголдун «Үйлөнүү» комедиясы коюлган. 1941-жылы жаңыдан уюшулган Кыргыз мамлекеттик драма театрына кошулган.
