БЕЛЬМОНДО
БЕЛЬМОНДО́ Жань Поль (9.4.1933-ж. т., Нёйисюр-Сен, Парижге жакын) – франц. актёр. 1956-ж. Париж консерваториясын (Р. Жирардын драма классын) бүткөндөн кинодо. Ж. Л. Годардын «Акыркы дем» фильми (1960) м-н дүйнөгө атагы тараган. Эркин манерадагы күлкү тартуулаган таланты, терең драмалык жөндөмү киножылдызына зор чеберчилик, шык берди: «Чочара», «Модерато кантабиле», «Баканооз», «Ууру», «Борсалино», «Ставиский», «Эң сонун», «Профессионал», «Тагдырдын тамашасы» ж. б. фильмдерде ойногон. Б. театр актёру ж-а продюсер. 1992-жылдан Париждеги «Варьете» театрынын кожоюну. Ардактуу легион ордени м-н сыйланган (1991).