БЕКМУРЗАЕВ Кадыр
БЕКМУРЗАЕВ Кадыр (1913, Ош обл., Өзгөн р-ну, Таттыбулак кыш. – 2001, ошол эле жерде) – а. ч. өндүрүшүн уюштуруучу, Соц. Эмг. Баатыры (1948). Эмгек жолун катардагы колхозчу
болуп иштөөдөн баштаган. 1932-ж-дан парт. сов. кызматтарда, 1944-ж-дан Ош обл-нун Өзгөн р-нундагы «Маданият» колхозунун башкармасы. Анын жетекчилигинде колхоздун экономикасы бир кыйла чыңдалган. 1947-ж. колхоз 40,5 га сугат жердеги буудайдын ар гектарынан 30,4 ц, 1700 га кайрак жердеги буудайдын ар гектарынан 18 ц түшүм алган. Ленин ордени м-н сыйланган.