БЕЛЛИНИЛЕР
БЕЛЛИНИЛЕР – италиялык живописчилердин үй-бүлөсү, Венецияда Кайра жаралуу искусствосун негиздөөчүлөр. Үй-бүлөнүн башчысы – Якопо Беллини. (1400-жылдар ченинде Венеция – 1470 же 1471, ошол эле жерде), анын көрүнүктүү графикалык мурастары (сүрөт альбомдору, Лувр, Париж жана Британ музейлеринде; 1440–1450-жылдар), байыркы эстеликтердин, күндөлүк турмуштун эпизоддру, көп жактуу диний мифологиялык сүрөттөрү сакталган. Архитектуралык сүрөттөрүнө готикалык шарттуулук мүнөздүү.
Анын уулу Ж е н т и л е (1430-жылдар ченинде Венеция – 23. 2. 1507, ошол эле жерде) – атасынан окуган жана аны менен биргелешип иштеген. 1474–1483-жылдары Венеция республикасынын атайын живописчиси кызматында иштеген. 1479-жылы Константинополго султан Мехмед IIнин чакыруусу менен барып, портреттерди жараткан (Мехмед II, Улуттук галерея, Лондон; патриарх Жустиниани, 1465, Академия галереясы, Венеция жана башкалар). Анын тарыхый-диндик окуялар чагылдырылган көп фигуралуу композициясы («Сан-Марко аянтындагы процессия», «Сан-Лоренцо көпүрөсүндөгү керемет», «Ыйык Айкаш жыгач менен айыктыруу», 1496–1501, бардыгы Академия галереясында, Венеция). Кийинки иштерине – «Касиеттүү Марктын Александриядагы насыяты» (Жованни Беллини. бүтүргөн, 1504–1507, Брера галереясы) кирет. Ж ов а н н и Беллини (1430–1435, Венеция – 29. 11. 1516, ошол эле жерде) – Беллини Якопонун экинчи уулу – Венеция мектебинин ири чебери. Ал да атасынан окуган. Диний мифологиялык темадагы классикалык картиналары колоритинин гармониялуулугу, пейзаж сүрөттөрүнүн поэтикалуулугу менен айырмаланат. Венеция республикасынын атайын живописчиси (1433). Жованнинин чыгармалары: «Касиеттүүлөрдүн курчоосунда тактыдагы Мадонна», «Мадонна кичине баласы менен», Жованни Беллини
«Мадонна ымыркайы менен». 1430. Каррара Академиясы (Бергамо).(1487, Академия галереясы, Венеция), Дож Лоредандын портрети (1502, Улуттук галерея, Лондон). «Кудайлардын тойлошу» (1514, Улуттук галерея, Вашингтон) акыркы чыгармасы. Жоржоне жана Тициан анын окуучулары болгон.
Н. Жылдызова.