БИ-БИ-СИ
БИ-БИ-СИ (ВВС – British Broadcasting Corpo- ration – Бритиш Бродкастинг Корпорейшн) – дүйнөлүкрадиоуктуруукорпорациясы.1927-ж. Лондондо негизделип, Англия Өкмөтүнүн контролунда турат. Эларалык маанидеги ири ж-а кеңири белгилүү бул корпорациянын иш-аракеттерине Улуу Британиянын королевасы тарабынан дайындалган Тескөөчү кеңеш жетекчилик жүргүзөт. Жалпы ишмердиги адегенде Англиянын Почталар министрлиги м-н түзүлгөн эки тараптуу өзара келишимдин негизинде башталган. Алгач өз берүүлөрүн жерг. угуучуларга гана багыттап келсе, 1932-жылдан ал маалы-
14 –100
маттарды чет өлкөлүк англис тилдүү мамлекеттерге да (АКШ, Канада, Австралия, Жаңы Зеландия, колониялык өлкөлөр ж. б.) жайылткан. 1936-жылдан телекөрсөтүүлөрдү да жүзөгө ашырган. 20-к-дын экинчи жарымында Би-Би- Си өз радиоберүүлөрүн Советтер Союзу ж. б. соц.
өлкөлөргө өз элдеринин тилинде уктурган. 1965-ж. анын карамагында 16 миңге жакын адам иштеп, уктуруулары дүйнөнүн 35 тилинде жүргүзүлгөн болсо, азыр анда 20 миңге жакын кызматкерлер эмгектенип, берүүлөр 42 тилде 150 млндон ашык радиоугуучуларды тейлейт. Би- Би-Синин Кыргыз кызматы расмий түрдө 1995-ж. Лондондо Борб. Азия ж-а Кавказ секциясынын курамында ачылып, күн сайын жарым сааттык берүүлөрү кыргыз тилинде жүргүзүлүүдө. Бишкектеги Би-Би-Синин офиси 2005-ж. март айында ачылып, анда кыргыз журналисттери эмгектенет.
Т. Ишемкулов.