БЕРН

БЕРН – Швейцариянын борбор шаары (1848- жылдан), Берн кантонунун (административдик-айммактык бирдик) административдик борбору. Ааре дарыясынын боюнда жайгашкан. Калкы 123 миң (2005, чет-жакасы мнен 300 миң). Маанилүү жолдор тоому. Эл аралык аэропорту бар. Машина куруу (анын ичинен электр-техникалык, прибор куруу), химия.-фармацевтика, кийим тигүү, поли­графия, тамак-аш (анын ичинен шоколад) өнөр жайы иштейт.

Берн шаарынын жалпы көрүнүшү.

Туризм борбору, XX кылымдын башында орус революциялык эмиграция борборунун бири болгон. Бүткүл дүйнөлүк почта союзунун бюросу, Эл а­ралык теле байланыш союзу жана башка эл аралык уюм­дар иштейт. Швейцария, Альп, Почта, Тарыхый, Көркөм жана башка музейлери; обсерватория, ботаникалык бак бар. 1191-жылы негизделген. 1218-жылы империялык Эркин шаар статусуна ээ болуп, 1353-жылы Швей­цария Конфедерациясына кирген. Орто кылымдагы чептер (XV кылым), готика стилиндеги Санкт-Винценц собору (1421–1588), ратуша (1406–1417), архитектуралык

эстеликтер сакталган.