БЕШ-ӨРҮК
БЕШӨРҮК , Б е ш к ө р ү к – Чүй обл-нун Москва р-нундагы кыштак. Александровка айыл өкмөтүнө караштуу. Көнтөй суусунун боюнда, деңиз деңг. 676 м бийиктикте жайгашкан. Райондун борбору ж-а темиржол бекети Беловодский кыш-нан 18 км чыгышта. Кыштак 1930-ж. негизделген. Калкы 1049 (2006); негизинен жашылча өстүрүүдө эмгектенет. Орто мектеп, ФАП, китепкана бар. Улуу Ата Мекендик согушта курман болгондорго эстелик тургузулган.