ДИВЕРСИЯ
ДИВЕ́РСИЯ (лат. diversio – четтетүү, алагды кылуу) – 1) душман ооругунда байланыш түйүндөрүн ж-а тармактарын бузуу, аскердик өнөр жай ж. б. объектилерди катардан чыгаруу, аскерлерди башкарууну бузуу, өздүк курамды ж-а аскердик техниканы жок кылуу, душмандын аскерлеринин ж-а калкынын моралдык-психол. абалына таасир берүү б-ча атайын даярдалган бөлүмдөрдүн (топтордун) же жеке адамдардын ишмердүүлүгү; 2) өлкөнүн экон. коопсуздугунун же коргонуу жөндөмдүүлүгүнүн кедерин кетирүү, же мамл. органдардын ишин, коомдук-саясий кырдаалды козутуу максатын көздөгөн өтө коркунучтуу кылмыш. Мамлекеттин экон. негизине зыян келтирүү, начарлатуу максатын көздөп, ишкана, курулуш, жол, катнаш-байланыш каражаттарын, мамл., коомдук мүлктү жардыруу, өрттөө же башка жолдор м-н зыянга учуратуу, жапырт ууландыруу, эпидемияларды, эпизоотияларды таратуу ж. б. Э. Кадыров.