ДАГСТАН ТИЛДЕРИ
ДАГСТАН ТИЛДЕРИ – кавказ тилдери (иберкавказ) уясынын түн.-чыгыш тармагына кирген тилдердин тобу. Д. т. өз ара бир нече топко ж-а өзүнчө тилдерге бөлүнөт: 1) авар-андцез тобу (авар, анд, ботлих, годоберин, карата, ахвах, багулал, тиндин, чамалин, цез, хварши, гинух тилдери); 2) лак тили; 3) даргин тили, 4) лезгин тобу (лезгин, табасаран, агул, рутул, цахур, крыз же жек, будух, хиналуг, арчин, удин). Д. т. ж-дөгү изилдөөлөр 18-к-дын аягы – 19-к-дын башында жарыялана баштаган. Д. т-нин фонет. ж-а граммат. түзүлүшүндө чоӊ айырмачылыктар бар. Алгач араб, 1928–38-ж. латын жазмасын пайдаланышкан. 1938-жылдан орус графикасынын негизинде түзүлгөн жазууга өткөн.