ДАРКАН ШААР КАЛДЫГЫ
ДАРКАН ШААР КАЛДЫГЫ – 10–12-к-га таандык шаар урандысы. Ысык-Көл өрөөнүндөгү Жууку суусунун сол өйүзүндө жайгашкан. Аянты 100 га. Эки бөлүктөн – негизги чептерден ж-а алардын чет-жакаларындагы чоӊ аянттан туруп, уз. 8 км келген дубал м-н курчалган. Борб. бөлүгүндөгү ар түрдүү чоӊдукта көп сандаган курулуш калдыктары дөӊсөө түрүндө сакталган. Казуу убагында турак жай ж-а чарбалык курулуштардын калдыктары табылган. Борб. бөлүгүнөн тышкары жердеги курулуштар бири-биринен кыйла алыстыкта топ-топ болуп жайгашкан. Карапайым шаардыктардын жер участоктору борбордун сыртында болгон. Шаар эӊ негизги кербен жолунун боюна жайгашкандыктан, кылымдагы соода-сатык мамилелеринде чоӊ роль ойногон.