ДАМПИР

ДА́МПИР Уильям (Dampier William) (8.6, 1652, Сомерсет графтыгы, Йовилге жакын – март, 1715, Лондон) – англ. деӊиз сүзүүчү, окумуш­туу, соодагер ж-а деӊиз каракчысы. Үч жолу дүйнөнү айланып сүзгөн. Бир нече жыл Вест- Индияда жүрүп, океанга байкоо жүргүзгөн. Ав­стралиянын түн.-батышы аркылуу сүзүп өтүп, бир нече аралдар тобун (а. и. Дампир а.) ж-а майда аралдарды ачкан. Тынч океандын түш. аймагынын картасын түзгөн ж-а сүрөттөп жаз­ган. Ал 1691-ж. Англияга кайра кайтып, сая­каты тууралуу бир нече китеп (а. и. «Жаӊы Голландияга саякат» ж. б.) жазган. Д-дин «Ша­малдардын багыты» деген эмгеги метеорология үчүн өтө баалуу.