ДАМДИНСУРЭН
ДАМДИНСУРЭН Цэндийн (14. 9. 1908, азыркы Чыгыш аймагы – 27.5.1986, Улан-Батор) – моӊгол жазуучусу ж-а илимпоз. Азыркы моӊгол адабиятын баштоочулардын бири. Чыгармалары 1926-жылдан жарыялана баштаган. «Түрткүнчүк кыз» (1929) повести – жаӊы моӊгол прозасындагы туӊгуч ири чыгарма. «Ак чач энем» поэмасынын (1934), «Таӊ каларлык үйлөнүү тою» (1966), «Алтын казык», «Экөө теӊ менин уулум», «Тилек жөнүндө жомок» ж. б. аӊгеме жыйнактарынын автору.
Ад.: Михайлов Г. И. Очерк истории современной монгольской литературы. М., 1955.