ДАЧНЫЙ
ДА́ЧНЫЙ (1977-жылга чейин ГЭС-5) – Чүй облусунун Аламүдүн районундагы кыштак. Лебединовка айыл өкмөтүнө караштуу. Райондун борбору Лебединовка кыштагынан 5 км түндүк тарапта. Аламүдүн темир жол бекетинен 34 км. Деӊиз деӊгээлинен 665 м бийикте жайгашкан. 1954-жылы отурукташкан. Калкы 1249 (2006); негизинен мал чарбасында ж-а дыйканчылыкта эмгектенет. Аламүдүн жол курулуш башкармасы (ДСУ), кушкана, жүн фабрикасы иштейт. Орто мектеп, ФАП, китепкана, кафе бар.