ДЕЙВИС

ДЕ́ЙВИС , Д э в и с (Davis) Уильям Моррис (12. 2. 1850, Филадельфия – 5.2.1934, Пасадена) – амер. геолог ж-а географ. Гарвард ун-тин бүткөн (1870). 1876-жылдан анда иштеген (1890-жыл­дан проф.). Амер. географтар ассоциациясын не­гиздеген (1904) ж-а Амер. геологдор коомунун президенти (1911), бир нече геология ж-а гео­графия коомдорунун (а. и. Россия) ардактуу мү­чөсү. 1890–1915-ж. АКШда геология кызматында эмгектенген. Батыш Европа, Түш. Америка өлкө­лөрүндө ж-а АКШнын ар кайсы аймактарында изилдөө иштерин жүргүзгөн. 1903-ж. Түркстан­дын чөлдүү аймагында болгон. 1890-ж. геогр. цикл ж-дө окууну иштеп чыгып, рельефтин

өөрчүү баскычтарына түшүнүк берген ж-а цикл­дерге бөлгөн. Д-тин бул окуусу тез тарап, гео­морфологиянын өнүгүшүндө чоӊ роль ойногон. Анын окуусунун кемчилиги рельефтин өөрчүү циклин жалпы геологиянын тарыхы ж-а ички, тышкы күчтөр м-н байланыштырбаганы бол­гон. Д. геоморфология мектебин түзгөн. Физ. географияны окутууга зор көӊүл бөлгөн. Рель­ефти сүрөттөөнүн жаӊы типтерин – блок-дио­грамманы, рельефтин моделин киргизген.

Эмг.: Геоморфологические очерки. М., 1962.

Ад.: Герасимов И. П. О роли В. М. Дэвиса в разви­тии современной геоморфологии//Изд. АН СССР. Серия географическая. 1956, ¹1.