ДЕМОГРАФИЯЛЫК САЯСАТ
ДЕМОГРАФИЯЛЫК САЯСАТ – коомду социалэкон. жактан өнүктүрүү саясатынын бир бөлүгү; муундардын табигый толукталып турушун ж-а калктын жер которуу кыймылына таасир этүүгө багытталган социал., экон., укуктук ж. б. жаатындагы чаралар тобу. Д. с. мамл. же аймактык болушу мүмкүн. Булар атайын мыйзамдар чыгаруу ж-а тийиштүү шарттарды түзүү аркылуу ишке ашырылат. Д. с-тын натыйжасы мамл. статистикада катталат. Д. с-тын негизги багыттары – калктын көбөйүшү, элдин жер которуусу ж-а таралышы, жайгаштыруу багыттары, эмгек ресурстарынын турпаты ж-а куруму, эмгекке орноштуруу, калктын иш м-н камсыз болушу ж. б.