ДООНУН ЭСКИРИШИ
ДООНУН ЭСКИРИШИ – бузулган укукту калыбына келтирүү максатында сотко же бейтарап сотко кайрылуу үчүн мыйзам тарабынан белгиленген мөөнөт. Д. э-нин жалпы мөөнөтү – 3 жыл. Кээ бир талаптар үчүн мыйзамда жалпы мөөнөткө салыштырмалуу кыскартылган же узартылган доонун атайын мөөнөтү белгилениши мүмкүн. Д. э-нин мөөнөтү доо коюу укугу пайда болгон күндөн, б. а. доогер өз укугунун бузулгандыгын билген күндөн башталат. Сот себебин жүйөлүү деп тапса, өтүп кеткен Д. э-нин мөөнөтүн калыбына келтирүүгө укуктуу. Д. э-нин мөөнөтү м-н аны саноо тартиби тараптардын макулдугу аркылуу өзгөртүлбөйт. К. Эсенканов.