ДУБАЛ
ДУБАЛ – имараттын, там үйдүн ж. б. керегеси; короо-жайдын топурактан, кыштан ж. б. тургузулган тосмосу. Ал негизги тосуучу констр. болуу м-н бирге көтөрүп туруучу милдетти да аткарат. Д. имараттарда сырткы ж-а ички, өзү көтөрүп туруучу, көтөрүп туруучу ж-а көтөрүп турбоочу болуп бөлүнөт. Көтөрүп туруучу ж-а өзү көтөрүүчү Д. басымды түздөн-түз пайдубалга берет, көтөрүп турбоочу имараттын башка
констр-ларына – негизинен түркүктөргө же кабаттардын ортосун жаап туруучу плиталарга бекитилет. Тургузулуу ыкмасы б-ча чогултулуучу (ири панелдүү же ири блоктуу), монолиттүү (көбүнчө бетондуу) ж-а кол м-н тургузулуучу кыш Д. болот.