ДУБИНИН
ДУБИ́НИН Николай Петрович [22. 12. 1906 (4. 1. 1907 Кронштадт – 1998] – сов. генетик, СССР ИАнын акад. (1966; корр. мүчөсү, 1946), Соц. Эмг. Баатыры (1969). МГУну бүтүргөн (1928). 1932-жылдан СССР ИАнын түрдүү ил.-из. мекемелеринде иштеген, 1966-жылдан СССР ИАнын Жалпы генетика ин-тунда директор. Д. жалпы генетика, эвол. генетика б-ча изилдөөлөр жүргүзүп, мутациянын пайда болуу закондору, гендин түзүлүшү ж-а функциясы, селекциянын ген. негиздери б-ча ачылыштар жасаган. Ал, о. эле космостук генетикада да эксперимент жүргүзүп, радиациялык, эволюциялык генетиканын бир катар проблемаларын, мутация процессиндеги этаптуулук маселесин иштеп чыккан. Ленин сыйл. лауреаты (1966). Чет өлкөлүк бир катар ИАнын ж-а Улуу Британия генетиктер коомунун мүчөсү.
Эмг.: Генетика популяций и селекция. М., 1967 (совм. с Я. Л. Глембоцким); Общая генетика. М., 1970.