ДРЕССИРОВКА
ДРЕССИРО́ВКА (фр. dresser – үйрөтүү) – көп ирет кайталоо жолу м-н айбанатты акырындап татаалдашкан көнүгүүлөргө үйрөтүү. Үйрөтүлгөн
айбанаттар көпчүлүктүн алдында көрсөткөн көнүгүүлөр да Д. деп аталат. Көнүгүүлөрдү үйрөтүү буйрук берилген кезде аны баш тартпай аткартуу милдетин камтыйт. Байыркы Чыгышта, о. кылымда Батыш Европада кыдырып жүргөн актёр-гистриондор, Азияда дорвоздор, орус скоморохтору айбанаттарды үйрөтүшкөн. 19-к-дын 20–30-жылдарында айбанаттарды чүмбөттөлгөн капастуу арабада кыдырып көрсөтүшкөн, 50–60-жылдарда айбанаттарды үйрөтүүчүлөр атайын цирктерде экзотикалык жаныбарлар м-н иштей башташкан. Чүмбөттөлгөн капас арабанын ордуна цирктин манежинде бийик темир торлор колдонулган. Д-дагы бул жаңы багыт А. Л . Ду ров ду н ысмы м-н байланыштуу. Ал айбанаттарды интермедияларда ж-а репризаларда каарман катары пайдаланган. Экспериментчи-үйрөтүүчү В. Л. Дуров үй айбанаттарынан баштап, пилге чейин маанилүү элементтерди колдонуу ыкмасы м-н манежде зоопарктык Д. программаларын аткарган. Мында ал үйрөтүүчү режиссёрдун милдетин аткарса, ал эми айбанаттар тилсиз достордун, төрт буттуу артисттердин ролун ойногон. Дуровдордун салты азыр да уланууда. Кыргыз циркинде КРдин эл арт. С. Урманбетов айбанаттарды үйрөтүүнүн чебери катары таанымал. Т. Сатаров.