ДОМИНИКАЛЫКТАР
ДОМИНИКАЛЫКТАР – эл, Доминика Респ-нын негизги калкы. АКШ, Гаити өлкөлөрүндө да жашайт. Саны 7,5 млн киши (1992). Калктын 73%ин мулаттар, 16%ин негрлер, 11%ин европалыктар түзөт. Испан тилинин жерг. вариантында (Гаитиден келгендери креол тилинде) сүйлөшөт. Д-дын көпчүлүгү католик динин тутушат, о. эле протестанттар да бар. Кыштактарда боно (эшик, терезелери кызыл же көк) деп аталган үйлөрдө жашашып, негизинен дыйканчылык, мал чарбачылык м-н кесиптенишкен. Шаарларда испан үлгүсүндөгү имараттар сакталган. Д. креол тибинде кийинишип, эркектер башындагы сомбреросу м-н гаитиликтерден айырмаланган. 19-к-дан элдик бийи – меренге кеңири белгилүү болгон.