ЕФРЕЙТОР
ЕФРЕ́ЙТОР (нем. Gefreiter – бошотулган) – бөлүмдүн командири жок мезгилде анын милдетин аткаруучу алдыӊкы жоокерге берилүүчү аскер наамы. Е. наамы 17-к-дын башында Германияда пайда болгон. Орус армиясына Пётр Iнин аскердик уставы б-ча 1716-ж. киргизилген. Сов. Армияда Е-дук наам 1940-жылдын ноябрынан аскердик ж-а саясий даярдыгы мыкты катардагы жоокерлерге бериле баштаган. Бул наам КРдин куралдуу күчтөрүндө да бар.