ЖАЛ
ЖАЛ (1934-ж. чейин Ак-Буура) – Чүй обл-нун Сокулук р-нундагы кыштак. Орок айыл округунун борбору. Деңиз деңг. 816 м бийиктикте жайгашкан. Райондун борбору Сокулук кыш-нан 35 км түш.-чыгыш тарапта. Пишпек т. ж. бекетинен 9 км. Кыштак 1868-ж. негизделген. Калкы 2239 (2007); негизинен дыйканчылыкта, багбанчылыкта эмгектенет. Орто мектеп, амбулатория, дарыкана, бала бакча, клуб, китепкана, мечит бар. Эки үй-бүлөлүк врачтар тобу иштейт.