ГҮЛБАХАР

ГҮЛБАХАР – Ош обл-нун Араван р-нундагы кыштак. Керме-Тоо айыл округуна караштуу. Керме-Тоо м-н Кекилик-Учар тоолорунун ортосунда деӊиз деӊг. 930 м бийиктикте жайгашкан. Ош – Араван автомобиль жолунун боюнда. Райондун борб. Араван кыш-нан 4 км чыгыш тарапта. Ош темир жол бекетинен 18 км. Кыштак 1956-ж. негизделген. Калкы 8002 (2011), негизинен дыйканчылыкта эмгектенет. Алты орто мектеп, мад-т үйү, 3 ФАП бар. Үй-бүлөлүк врачтар тобу, турмуш-тиричилик комбинатынын бөлүмдөрү иштейт.