ЖООН-ДӨБӨ КӨРҮСТӨНҮ
ЖООН-ДӨБӨ КӨРҮСТӨНҮ – б. з. 1–5-к-на таандык мүрзөлөр. Талас суусунун сол өйүзүндө, Кең- Арал кыш-нын түш.-чыгыш тарабында жайгашкан. Көрүстөндө 30дан ашуун дөбө-мүрзө болгон, бийикт. 6 м, диаметри 50 м. Сөөктөр жарма ж-а төрт чарчы жөнөкөй көрлүү мүрзөлөргө коюлган. Казуу убагында карапа, жыгач идиштер, түрдүү түстөгү шуру, мончоктор, кылыч сыныктары, асыл таш чөгөрүлгөн алтын асемдер, жаанын жебелери ж. б. буюмдар табылган. 1898-ж. финн илимпозу Г. Гейкель, 1960-ж. кыргыз археологу Ы. Кожомбердиев изилдеген.