ЗЁЙДЕР-ЗЕ БУЛУҢУ
ЗЁЙДЕР-ЗЕ БУЛУҢУ (голландча Zuiderzee – «Түштүк деңиз» деген мааниде) – Түн. деңиздеги булуң. Нидерланддын жээгинде. Батыш Фриз а. аркылуу деңизден бөлүнөт. Булуң 1282-ж. кургактык чөгүп, аны суу жайпап калышынан пайда болгон. Жээктери түзөң, саздуу, плотина ж-а тосмо м-н бекемделген. З.-З. б. шлюз тосмо аркылуу Вадден-Зе (түн. бөлүгү) ж-а Эйсселмер (түш.) булуңдарына бөлүнөт. Тереңдиги 3–4 м, кеме жүрчү жери 8–24 м. Ташкындоонун бийикт. 1,4–1,9 м. Ири порту – Амстердам.