ВАРВАРИЗМ

ВАРВАР́ИЗМ (гр. bfrbaros – чет элдик) – 1) тилдин эрежелерине негизделбегендиктен, анын лексикалык ж-а стилдик нормаларынан орун ала албаган сөздөр; 2) эне тилде мааниси шайкеш эквиваленти болсо да, анын ордуна ыксыз колдонулган, чет тилге тиешелүү сөздөр. Адабий чыгармаларда В. каармандардын мүнөзүн ачуу максатын көздөйт. Мис., Т. Касымбековдун «Сынган кылыч» романында өзбек, Т. Сыдыкбековдун «Биздин замандын кишилери» романында орус сөздөрү кездешет.