ГРЕКОВ
ГРЕ́КОВ Митрофан Борисович [1911-ж. чейин М а р т ы щ е н к о Митрофан Павлович; 3 (15). 6. 1882, азыркы Ростов обл., Шарапаевка хутору –27. 11. 1934, Севастополь)] – живописчи, сүрөтчү, баталист. Одесса сүрөтчүлөр окуу жайында (1898–1903), кийин Петербург сүрөт академиясында (1903–11) окуган. Сов. баталдык живопистин баштоочусу. Гражд. согуштун (1918–20) реалдуу окуяларына алгачкылардан болуп кайрылган «Будённыйдын отрядына» (1923), «Тачанка» (1925), «Биринчи атчандар армиясынын сурнайчылары» (1934) (баары Третьяков гал.) ж. б. чыгармаларында 1-Атчандар армиясынын даӊктуу жолу ж-а совет бийлиги үчүн күрөшкөн элдин образы чагылдырылган. 1935-ж. түзүлгөн Аскер сүрөтчүлөрүнүн студиясы Г-дун атында. Сүрөтү 769-бетте. Минск ш-нын бир көчөсүнө Г-дун ысмы берилген. Москва ш-дагы Третьяковский мамл. Галереясында анын бир нече эмгектери сакталган.
