ЖАСАЛМА ЖИБЕК
ЖАСАЛМА ЖИБЕК – хим. жол м-н алынган була. Хим. булалар жасалма (айнек, вискоза, ацетат буласы) ж-а синтездик (капрон, лавсан ж. б.) болуп айырмаланат. Алгачкы целлюлозадан жасалган буланы англ. химик Кросс 1892-ж. алган. Ал вискозалуу ж-а ацетаттуу болуп бөлүнөт. Экөө тең табигый целлюлозадан, негизинен жыгачтан же пахта тыбытынан өндүрүлөт. Синтездик була сыяктуу эле Ж. ж. ар кандай жоондукта, кыска же штапелдүү була, о. эле узун кездеме жиби түрүндө даярдалат. Жаңы синтездик булалар пайда болсо дагы, Ж. ж. азыркы убакытка чейин текстиль ө. ж-нда колдонулууда.