ИРЛАНД ДЕҢИЗИ
ИРЛА́НД ДЕҢИЗИ Атлантика океанында; Улуу Британия м-н Ирландия а-нын аралыгында. Аянты 47 миң км2. Эң терең жери 197 м. Океан м-н Түн. деңиз ж-а Ыйык Георг кысыктары аркылуу туташат. Ири аралдары: Мэн, Англси. Суунун темп-расы кышында 5°С, жайында 16°Сге чейин. Туздуулугу 34–34,5‰. Шторм тезтез болуп турат. Суткасына 2 жолу (8,4 мге чейин) ташкындайт. Балык (сельд, килька, треска, анчоус) кармалат. Башкы порттору: Ливерпул (Улуу Британия), Дублин (Ирландия).