КАДР
КАДР – 1) к и н о к а д р – сүрөткө тартуу объектисинин кыймылынын бир фазасын же статикалык абалын белгилөөчү кинотасмадагы сүрөт. К-дагы режиссёрдук ж-а оператордук таба билгичтик тартылуучу көрүнүштүн идеясын ж-а мазмунун ачып берет. Кинокамераны жылдырып жүрүп, К. түзүү учурунда тартыла турган көрүнүштүн К-дагы кыймылына байланыштуу болгон динамикалык композициянын өзгөчөлүктөрү эске алынат. К-дын форматы, жайланышы тартуучу аппараттын айнегинин өлчөмүнө ж-а орнотулушуна жараша аныкталат; 2) кураштырма К. – окуянын кандайдыр бир моментин камтыган фильмдин курамдык бөлүгү; 3) сценарийлик К. (фильм коюлуучу же режис-
сёрдук сценарийдеги) – тартыла турган К-дын мазмунун ж-а бүткүл турпатын, анда болуучу аракеттерди, диалогдорду, о. эле үн м-н коштоонун көркөмдүк чечилишин баяндап жазуу.